Inaŭguro de la Arbo-Esplora Pado dum "Internacia Jaro de Arbaro"

Saluton,

ni pardonpetas pro ebla malfrua informado. La tago de la inaŭguro de la Arbo-Esplora Pado estis granda sukceso. I.a. ankaŭ minimume 14 esperantrilataj homoj ĉeestis. La komuna projekto kune kun la asocio Futurateliero Herzberg kaj NABU Germanio estis plena sukcesco. Dagmar Schwarzer estis la motoro de la komuna projekto. Ĉirkaŭ la proksima Jues-lago meze en la urbeto Herzberg nun ekzistas unika promenvojo kun belaj arbonomoŝildoj en tri lingvoj (germana, Esperanto kaj latina). Imagu, jam 53 belaj (ofte raraj) arboj havas belajn nomŝildojn i.a. en Esperanto.

Ankaŭ tio unikas en la mondo, ĉu ne?

Ĉu vi jam scias ekzemple pri ilekso kaj cugo kanada?

Venu al la Esperanto-urbo Herzberg kaj vi vidos kaj spertos i.a. belajn arbojn kun esperantlingvaj nocioj.

Tio estas nova grava mozaikstono por Esperanto kaj via Esperanto-urbo Herzberg.

Pli da detaloj kun fotoj troviĝas sub AKTUALE de: http://esperanto-urbo.de

Amike salutas via ICH-teamo